Euskera eguna eta landare bat landatu

Aurtengo Euskera eguna ospatu genuenean lotura bat egin genuen biodibertsitatearekin. Gure euskera erabilera indartzeko eta bultzatzeko landare baten landaketa eginez.  Gainera, aurtengo leloa "Euskeraz blai" izan zen. Ikasle, irakasle eta gurasoen artean landaketa egin zuten.  Hazten den heinean gure euskeraren erabilera indartu behar dugu.  Leloa esaten duen bezala, zuahizka ureztatzerakoan, geuk euskeraz ere ureztatuko gara.  Hortik aurrera, landarea eskolako pasiloetan dago; guztien begibistan.  Eta bera zaintzeko ardura guztiona da.

Argazkiak hemen dauzkazu

DOMINGO AGIRRE ESKOLA: “JUNETORRIAN”

Orain dela gutxi Legazpi herrian JUNETORRI busa martxan jarri da.  Herri barneko mugikortasun planean kontenplatuta bait zegoen.  Zerbitzu honekin herriko auzoak lotu nahi du; eta gainontzeko garraio publikoekin lotura izan nahi du; hain zuzen ere, Renferekin edo beste herrietara joaten den autobusekin.

Domingo Agirre eskolako haur hezkuntzako ikasleak, bost urtekoak hain zuzen ere, eta garraio gaia lantzerakoan, Legazpin jarri berria den “junetorri” autobusak eskaintzen digun aukera  paregabea aprobetxatu dugu.

 Hori dela eta, garraia hau erabiliz, gure txikiak, herrian zehar bidaiatzen ibili dira eta haientzat ezezagunak ziren  herriko zenbait  txoko ezagutu dituzte.

Ondoren lanera!. Ikasitakoa hormiruditan irudikatu dugu.

Hormirudiak, haur hezkuntzako pasiloetan nahiz eskolako web orrialdetan ikusgai duzue:...www.domingoagirre.net  Gurasoen elkarteko BAIKARAN aldizkarian ere artikulu bat jarri dugu.

Esperientzia ederra, berria, aberatsa eta dibertigarri izan da partaide guztiontzat.
Diario vasco digitalean,  legazpiko kronikan berri bat azaltzen da.  Esteka hemen gainean klikatu.

Hostoen bilketa

Lehen zikloko ikasleak arratsalde batean haur eskolaren inguruetara hostoen bila joan ziren. Tutoreekin udazkena gaia landu dute. Bertan, udazkenaren ezaugarri batzuk ezagutu eta gero (hostoen kolore desberdinak, zuahitzek hostoak galtzen dituztela...) ordu bateko irteeratxo bat egin zuten. Irteera horretan lurrean topatzen zituzten hostoak jaso eta poltsetan gelara eraman zituzten.  Jaso baino lehen andereño baten azalpen bat jaso zuten: hosto txikiak izan behar zirela, kolore desberdinekoak, itsura desberdinekoak... horri banatzaile bat sortzeko (plastifikatuz gero).  Eguraldia lagunduta umeak gustora ibili ziren, bakoitzak gutxienez hiru hosto desberdin jasotzen.  Eskolara bueltatu eta gero, hostoak egunkariko horrietan lehortzen jarri zituzten. Ondoren bideogelan interneten udazkeneko  irudiak bilatu zituzten eta youtuben Benito Lertxundiren "Udazkena" abestia entzun zuten.  Ondoren, ekintza honen irudi batzuk

Erreka Eguna 2012

Irailak 22an, larunbatean, goizeko 11:00etatik 13:00etara Domingo Agirreko ordezkari batzuk Erreka Egunean parte hartu genuen: 15 heldu eta 19 ume; 34 guztira eskolatik.  Ibaiaren 4 zatitan garbitzen ibili ginen: Olaberriko zubia-Santa  Marinako bidegurutzea; elorregi-Ugarkalde; Ugarkalde-Igaralde presa eta Urtatza.  Eguraldia lagunduta zabor poltsa pila bat bete genuen.  Zabor gehiena plastikoa, poliespan, janari-edarien hontziak, burnia...  Horrela gure ingurunea (batez ere erreka eta ibaia) garbirik mantendu behar dugunaren kontzientzia hartzen dugu.  Partaide guztiak (umeak batez ere) oso gustora aritu ziren, eta datorren urtean errepikatzeko gogoarekin. Ekitaldi honi bukaera emateko Udalak luntx bat eskeinu zuen plazko arkupetan, trikititxa alaituta.  Argazkia batzuk jarraian ikus dezakezue:



Diario vasco digitalean-Legazpiko kronikan- erreka egunaren berria:....http://www.diariovasco.com/v/20120925/alto-urola/kilos-basura-sacados-20120925.html

Udalsaretik sari bat jaso du, hainbeste urte jarraian ekintza hau burutzeagatik. Hain zuzen ere, Jasangarritasuna bultzatzeko heziketa atalean.  Horren estekak (bakoitzaren gainean klikatu):
Udalsareko web orrian - - - -  Diario vasco digitalean Legazpiko kronikan

Sasietakoekin hondakinak nola tratatu - lh6

Eskolako liburutegiko blogean jasota dago. Klikatu hemen

Domingo Agirrek elkartasuna adierazten du

Domingo Agirrek elkartasuna adierazten du

Betidanik eskolan EKITATE FALTAren kontzientzia piztuta egon da. Urteero Afrikarako arropa edo Sahararako elikagaiak bildu dira. Urte batean Fundazion Haurraldekoek Afrikan egiten duten lana laguntzeko Azoka Solidario bat antolatu genuen. Ikasturteko lehenengo ekintza SOS AFRIKAren alde izan da ("Servicio Africano de solidaridad"), hain zuzen ere erabiltzen ez den arropa ekartzeko eta hara bidaltzeko. Aurreko astean ikasleei etxetik ekartzeko poltsak banatu zizkien eta egun gutxitan arropa asko ekarri dute. ESKERRIK ASKO! Jarraian argazki batzuk ikusteko aukera izango duzue.

BIODIBERTSITATEA - SENTSIBILIZAZIOA

Aurtengo ikasturteko gaia “BIODIBERTSITATEA” da. Ez da enfokatu behar animaliak eta landareak ikasteko, naturarekiko lotura dugula jakiteko baizik.  Oso gertu daukagu, eta gozatu behar dugu. Paisaiak, landareak, animaliak... ikusi, entzun, usaindu... Denok aurrera jarraitzeko elkar beharra dugu eta elkar lagundu behar dugu. Bizi zikloa edo bizi kate hau nonbait apurtuz gero ondorio latzak etor daitezke.

Biodibertsitate gaia sentsibilizazioa egiteko hainbat bideo eta power pointak ikusteko aukera daukazue. Jarraian zerrendatuko dizuet:

a)      BIDEO DESBERDINAK: 

a.       “Ameisen” – animaziozko laburmetraia

b.      Kitaro_Matsuri – (8:57 minutukoa) Naturako irudi paregabeak...http://wikibit.net/v/KITARO---Matsuri

c.       “Midway”  Bideo hau oso laburra da, 4 minutukoa. Benetan merezi du.  Irla hau Ozeano Barean dago, kosta guztietatik 2.000 km-ra. Irla honetan ez da bizi jenderik, baina…  Hegaztiak zaborraz beteta daude.  http://www.midwayfilm.com/

b)      Power point bat – txorien kantak

Ea merezi duten, eta ANIMO!

Higadura gizakiarena