Kontenedoreak - kudeaketa

Aurtengo gaia "Biodibertsitatea eta hondakinak" izan dela, Legazpiko udalak hondakinen bilketa bereiztuta martxan jarri duela (atez ate, mixtoa), eta Diputazioak antolatzen duen "hiri hondakinak" kanpaina barruan hartutako konpromezuak direla eta; Eskolan hondakinen bilketa bereiztuta indartu dugu.  Aurreko urteetan iadanik konpromezuak bageneuzkan eta kudeaketan jasota geneukan ardurak banatuta.  Horregatik indar gehiagorekin berrantolatu dugu: ikasleekin landuz: ekintza praktikoak eginez, txikiei lagunduz, antzerkiak eginez, klaustro mailan irakasleekin komentatuta, langileekin adostuta (jangelako eta garbitzaileak) eta gurasoei aholkuak ematen.
Besteak beste, kolorezko edukiontziak pasilo guztietan jarrita (geletan, jangelan, patioan... ere), bilketa selektiboa egiteko: plastikoa, papera, organikoa, errefusa, pilak, tonerrak, cdak, tapoien bilketa... Eskola egunean egiten dugun afarirako kontenedoreak ere antolatu genuen (kolore desberdinak bilketa selektiboa egiteko); eta etorri ziren gehienak ontziteria berrerabilgarriak direnak ekarri zituzten. Jangelako janarien hondakinekin  bilketa organikoa egiten dugu, eta eskola eremuan konpostagailua daukagu (honetaz jangelako langileak arduratzen dira.  Pasiloetan aholku kartelak jarrita daude, komunetan ur kontsumoari buruzkoak, Diputazioak bidalitakoa "Zer egin dezakegu ikastetxean hondakinak prebenitzeko",...  Komunetan eskuak lehortzeko papera kendu dugu eta haizea botatzen duten makinak jarri ditugu.

Santo Tomas eta Agenda 21

Abenduak 15ean ospatu genuen.  Santo Tomas eguna ospatzen dugunean aspaldiko ohiturekin lotzen dugu: baserria, txerria, txistorra, taloa,...  Urtero bezala, Eskolak ere Santo Tomas feria herriko plazara eramaten du.  Baina ohizko "formatoan" barne, Eskolako Agenda 21ri ere begiratzen diogu.  Besteak beste honako puntu hauek aipatu nahi ditugu:
.- Berziklapena: erabilitako olio zaharrarekin xaboia egin eta saltzen dugu.
.- Ingurumena zaindu: sendabelarren erakusketa eta informazioa eman.  Baserriari begiratu: denok dakigunez LENBUR edo "Natur bizia eskola"-k eskeinita, ikastetxe honetako ikasleak urtero hurbiltzen dira inguruko baserrietara ogia egitera, gazta egitera, eztiaren prozesua ikusi eta argizariaz-kandelak egitera, pastak, saskiak, abarkak barazkiak,... Egiten diren bisitaetatik ikasitakoa erakutsi: pastak, saskiak, abarkak, erretrapo, baserrietako tresnak,...
.- Elikadura jasangarria: bertako produktuen erakusketa egiten bultzatu nahi ditugu: Haristizabal baserriko artisau pastak, gazta, senda belarrak, barazkiak, gaztainak, txistorra, txorizo eta taloa besteak beste.
Argazkiak eta diario vasco-ko estekak jarraian ikus dezakezue:

2013an diariovascoko digitalean berria - azoka prestatzen

Santo tomas aurretik prestakuntza lana azaltzen duen berria - DIARIO VASCO DIGITAL

Eta Santo Tomas pasa eta geroko berria - DIARIO VASCO DIGITAL

Sasieta - Berzik - irteera - lh6 - azaroak 15

SASIETAKO ZABORTEGI KONTROLATUA-LH6- azaroak 15

JUSTIFIKAZIOA:

Sasieta Mankomunitateak urtero kontzienziazio eta sentsibilizazio kanpaina bat antolatzen du. Kanpaina hau gaikako bilketan oinarritzen da batez ere eta Sasietako herritar guztiei zuzentzen da.
Kanpaina orokor honetaz gain Sasietak ikastetxeentzat heziketa programa berezia dauka. Programa honen atal nagusia gure instalazioetara egiten diren bisitetan oinarritzen da. Bisita hauek nahiz eta ikastetxeentzat moldatuta egon edozein taldek eskatu dezake. Bisitatu daitezkeen instalazioak.
Ontziak sailkatzeko planta (Legazpi): Edukiontzi horian jasotzen diren materialak sailkatzeko dagoen planta. Bisitan bilketa honen gorabeherak, historia, plastiko desberdinen ezaugarriak eta plastikoa birziklatzeko praktika bat lantzen dira. Iraupena: 45-60 min.       Sasieta zabortegia + BioSasieta (Beasain): Zabortegi kontrolatu batean nola lan egiten den erakusten da eta zaborrak usteltzean sortzen duen gasa argindarra sortzeko plantaren bisitarekin bukatzen da. Iraupena: 45-60 min.
Instalazio batetik bestera 20min. Beraz bistaren iraupen osoa 2 edo 2,25 ordu izaten da.

HELBURUAK:

• Ingurumena errespetatu.
• Kontsumo eta hondakin arteko lotura ohartarazi.
• Hiru aholku kontuan hartu: KONTSUMOA MURRIZTU-BERRERABILI-BERZIKLATU.
• Zaborra gutxitu eta kontsumo arduratsua bultzatu.
• Ingurumenean sortzen ari diren arazoei aurre egiteko konponbideak aurkitu.
• Edukiontzi  mota desberdinak ezagutu eta erabilpen egokia egin.

EDUKIAK:

• Zaborraren aurrean zer egin dezakegu?
• Hondakinak tratatzeko prozesuak ezagutu.
• Zabortegi kontrolatua ezagutu, informazioa bildu eta horren ondorioz hausnarketa bat egin.
• Zabortegiak  sortzen dituzten arazoetaz jabetu.
• Zaborrak  murrizteko kontzientzia sortu.
• Eskolan eta zabortegian ikasitakoa etxeetara zabaldu.

DENBORALIZAZIOA:

Gai hau, hirugarren hiruhilabetean (3 aste) landu dugu.

Bukaeran egun erdiko irteera antolatu dugu Sasietako  zabor kontrolatua ezagutzeko.

Ondoren gelan landutakoarekin eta han ikasitakoarekin Hondakinen trataerari buruz eta Berziklaiari buruz hitzaldi bat prestatu dugu.

Lehen Hezkuntzako ikasleek “Zaborren sailkapena ” gaia lantzen ari  ziren aprobetxatuz, beraien aurrean azalpenak eman ditugu. 

Sasietako web orrian sartzeko klikatu ondorengo estekan: http://www.sasieta.net/

Legazpiko Domingo Agirre ikastetxeko konpostagailua

Legazpiko Domingo Agirre ikastetxeko konpostagailua 
2013ko urriaren 30ean udaletxeko zinegotzia den Igor Urratek lanketa berrian lagundu digu. Frontoi atzealdean daukagu konpost-gailua. Prozesuak hainbat urrats ditu :
 .- Lurraren kontaktua behar dugu, beraz lur eremuan jarri da. Lurra mugitu, harriak kendu eta eremua mugatzeko burdinazko sarea jarri dugu. Bertan aitzurra eta rastriloa erabili itugu. Sareak satorraz, arratoiaz…. babesten du.
.- Gainean plastikoz egindako konpost-gailua jarri dugu. Ondo ikusteko tapa kendu diogu ontziari. .- Plastiko berde batean zegoen konposta kantitate bat bota dugu. Bertan zeuden plastiko zatiak kentzen aritu gara. Industrial moduan sortutakoa da.(kalitatea ez oso ona)
.- Ontzi marroi ertain batetik Legazpian sortutako konposta bota dugu. (Kalitatea oso ona eta lur usaina duena)
.- Plastikozko ontzi beltz batean ekarritako jangelako janari hondarrak bota ditugu. (Aholkuak : Arrautza kaxa ez bota kolore horia du, utzi paperetako bereizketan. Plastiko zatiak ere kendu ditugu. Janarietan ahal den gehiena txikitu. Letxuga buruak osoak zeuden eta guk txikitu ditugu.
.- Azkenik ondoko ontzitik egituratzailea bota dugu ,janaria estaliz. Egituratzailea herriko egurra eta adarrez egina dago. Udaletxek erosi du txikitzeko makina bat eta gaur egun etekina ateratzen diote.
.- Material hau kanpora garraiatzeak diru koste handiagoa zuen.
.- Nahasteko erabili dugun tresna txerri buztana izena du.
.- Bukatzeko konpost-gailuari tapa jarri eta kantatuarekin itxi dugu. Ondorengo lanez sukaldeko langileak arduratuko dira.

LH-4garren mailakoak D'ELIKATUZ zentroan-Ordizin

Urriaren 5ean Laugarren mailako ikasleak bere tutoreekin Ordizira joan ziren bere Azoka eta D'ELIKATUZ zentroa ikusteko. Bertako produktuak ezagutzeko eta Elikadura osauntsuari informazio gehiago jasotzeko. Jarraian irteeran honen argazki eta informazio gehiago ikusteko aukera daukazue.

D'ELIKATUZ zentrorako irteeraren HELBURU, EDUKI,...

D'elikatuz zentroaren web orria 

Latxartegi parkerako DEKALOGOA

Latxartegi parkean egingo den parke berrirako dekalogo bat osatzen ibili gara eskolan. Hain zuzen ere, parkea zaintzeko arauak.  Gela bakoitzean landu eta gero, proposamenak bideratu zituzten, bakoitzari dagokion lehentasuna emanez. Guzti hau jasota eskolak udalari proposamen bat bidaliko dio.  Jarraian daukazue:

Latxartegi parkearen erabilerako dekalogoa

JOLASEAN

· Zoruko kortxoa bakean utziko dugu, altxatu eta zulatu gabe

· Ez dugu marrazkirik edota graffitirik egingo

PARTEKATUZ

· Gustura jolastuko dugu, haserretu gabe eta txandak errespetatuz

GOZATU

· Ziburuak gehiegi behartu gabe ibiliko ditugu, indarrak neurtuz

· Beti berria bezala zainduko dugu, era egokian ibili

ZAINDU

· Beti garbi mantenduko dugu, zaborrak lurrera bota gabe: pipak, txikleak, goxokien poltsak, latak, kritalezko botilak, zigarroak...

· Ez dugu pixarik egingo parkean

MAITATU

· Zerbait puskatuta ikusten badugu, ez dugu gehiago puskatuko eta udaltzaingoei abisatuko diegu konpondu dezaten

· Ez ditugu dauden gauzak puskatuko, ezta margotuko ere

· Ez ditugu erreko ziburuak pizgailuekin

URRIAREN 24AN IREKI ZUTEN LATXARTEGIKO JOLAS PARKE BERRIA PARTICIPACIÓN CIUDADANA, CON EL OBJETIVO DE MEJORAR EL TRANSPORTE PÚBLICO

Aurki egingo dute inaugurazio ofiziala

Haur guztiak zain-zain zeuden, eta orain, badute pozik egoteko arrazoia, urriaren 24an Latxartegiko jolas parke berria ireki baitzuten. Berria eta eurak aukeratutakoa, gainera. Izan ere, Hirigintza, Hezkuntza, Gazteria eta Agenda 21 sailen bultzadarekin, jolasgunea goitik behera berritzea erabaki zuen Legazpiko Udalak, eta horretarako, Domingo Agirre ikastetxeko zein Haztegi ikastolako 5-12 urteko haurrei iritzia eskatu zieten. Ekainean bost proiektu aurkeztu zizkieten ikasleei, eta horietako bat, gustukoena, aukeratzeko eskatu. Azkenean, 501 ikaslek hartu zuten parte aukeraketan, eta urrian ireki berri duten parkea aukeratu zuten.

Jolasgune berria aukeratzean, dena den, aukeraketaren zergatia azaldu behar izan zuten haurrek, eta baita beraiek Latxartegiko parkearen alde hartuko dituzten konpromisoak zein diren ere. Azpiko laukian daude ikusgai, dekalogo moduko batean jasota. Denak esaldi batean laburbildu daitezke: “Lagunekin, jolasean, solasean, partekatuz, …, gozatu, zaindu, maitatu”. Hitz bakoitzaren atzetik konpromiso edo muga bat dago, dekalogoan ikus daitekeen bezala. Udalak jakinarazi du berandu baino lehen egingo dutela parkearen inaugurazio ofiziala, eta batez ere, espero dute haurrek agindutako konpromisoak betetzea.

Dekalogo hau EA21ko gelako ordezkariei aurkeztu genion, burutzeko partaideak bait ziren. Adostasuna azaltzeaz aparte, nola herriari kaleratzeko proposamenak ere bota zituzten:

.- Erreka egunean bezala, ondoan hormirudi bat jarri (panel bat)

.- Udaltzain batzuk parkean ibili, batez ere lehenengo egunetan.

.- Gurasoek erne ibiltzeko, eta umeei azaltzeko.

.- Eskoletan geletan landu

Elkartasuna Domingo Agirren - Sos Afrika

Urtero egiten den Afrikarako arropa bilketa "SOS AFRIKA" kanpaina barruan eskolaren erantzuna (gurasoak, ikasleak, irakasleak...) primeran izan da. Adirazgarri bezala zenbat poltsa bildi diren, arropaz beterik), argazkietan ikus daiteke.  Kalkulatu dugu 300 kilo arropa bildu ditugula, gutxigorabehera.